Mit dr Jana an ihrer Sitte het d Nadja ihres gsamte Au Pair Johr (2010-
/2011) in dr Nöchi vo San Francisco verbrocht. Drnoch hets diversi Wiederseh in Dütschland, Schwede, Östriich, dr Schwyyz und jetzt sogar in Mexiko geh, wo d Jana mit ihrem Fründ und eme
befründete Päärli Ferie macht.
D Freud isch gross gsi und mir händ so viel Zytvwie möglich zämä verbrocht:
Mir sind an Strand, go Znachtässe & Margaritas trinke, händ e Obe in unsere AirBnB-Wohnig verbrocht, gässe, s eint oder ander Bier trunke und Cambio gspielt! Es isch super gsi & mir freue
uns scho ufs negste Wiederseh mit ihne!
Wiederseh mit Hanna & Jonas
Witter gange ischs mit Bsuech us dr Schwyyz: d Hanna und dr Jonas händ mir uns für 6 Täg d Wohnig teilt und mir händ einiges unternoh zämä! Mir händ die Zyt sehr gnosse und es het d Vorfreud uf d
Schwyz grad wieder e bitz gsteigeret!
Zine Tulum: e ganz e bsundere Obig! Mir bstelle es Menü (Hauptgang, Dessert, Getränk und Popcorn), wähle e Film us (John Wick) und
chönne dä in unserem eigene Kino luege, während mir Znacht ässe!
Zona Arqueologica Tulum
Akumal
Grand Cenote
Die Wuche in dr Wohnig het uns so gfalle, dass mr nach em Abschied vom Jonas & dr Hanna nomol für 11 Täg e anderi Airbnb-Wohnig gmietet händ: mir händ viel kocht und backt und oft DVDs
usglehnt und gmietlichi Filmöbe gmacht. Scho lustig, was me plötzlich wieder schätzt, wenn mes mol e Zytli nüm ka het!
Cobá
Freedive Advanced
Nachdem mir jo in Utila s Apnoetauche für uns entdeckt händ, händ mir jetzt in Tulum de 2ti Kurs gmacht. Taucht simmer bi dr Laguna Kaan Luum & es isch wunderschön gsi.
Dr Björn het au e paar neui Bestleistige erreicht:
Statisches Apnoe: 4 Minute und 5 Sekunde (Atemwäg unter Wasser und so lang wie möglich d Luft ahalte)
Immersion Libre: 38.0 Meter (Nur mit Taucherbrille und Neoprenazug & Bleiguet am Seil ind Tiefi)
Bi dr Nadja isch d Bestleistig immer no bi 27 Meter mit Immersion Libre und bi 2 Minute und 47 Sekunde im statische Apnoe.
Scuba-Tauche in de Cenote "el Pit" & "los dos Ojos"
Isla Cozumel
Isla Holbox
Valladolid
Cenotes Oxman, XKeken & Samula
Chichen Itza
Merida
Isla Mujeres
Adios Mexico // Adios Kapitel Latiinamerika
Nachdem mit knapp e Johr in Süd- und Mittelamerika unterwägs gsi sind, heissts jetzt Abschied näh. Mir händ viel Neus gseh und kenne glernt, anderi Kulture, anders Ässe, anderi Mensche, anderi
Natur, anders Läbe und s het uns berührt und prägt. S het uns zum Noochdänke brocht, uns truurig gmacht, uns glücklich gmacht.
Vieles wärde mit vermisse, einiges au nit - aber do drzue meh ime künftige Blogpost.