Entweder mir Reise z lang, oder mir mache z viel Fötteli.. Aber au dr zweiti Blog isch voll! Darum: Willkomme ufem 3. Blog!

Guatemala // Teil 2

Chichicastenango

E ihdrückliche Blick vom Balkon vo unserer Unterkunft "El Telefono" übere zum Friedhof:
Jede Donnstig und jede Sunntig verwandlet sich praktisch die ganzi Stadt ine riesige Märt - dr grössti in Mittelamerika! Das lönd mir Märt-Liebhaber uns natürli nit entgoh:
Was die Männer und Fraue ame ume schleppe - do duet uns dr Rugge scho nur vom zueluege weh! 
Do mir mindestens e Kopf grösser sind als die alli andere, gsehnd mr sehr viel vom Märt. Und d Grössi isch nit dr einzig unterschied: Hoor- und Augefarb mache uns do zu Exote. Ei Frau het sogar mitem Finger uf uns zeigt und öpis zu ihrer Tochter gseit. Die het uns zerst agstarrt und denn - wahrschinli wells d Mama ihre gseit het - gwunke & e riese Freud ka, wo mir zrugg gwunke händ! 
D Lüt do in Guatemala sind sowieso super fründlich und höflich und sind immer gärn drzue bereit, z hälfe. Dass es au Usnahme git, hämmer am Märt erfahre: Mir sind nämli s erste Mol bestohle worde!
Mir händ gwüsst, dass es an Märt oft zu Taschediebstähl kunnt und händ darum alli Kredit- & Postkärtli und ID im Hostel gloh und nume wenig Bargeld mitgno. Und natürli d Nikon - s Föttele hämmer uns nit welle entgoh loh. Wahrschinli händ sie uns denn beobachtet wo mir öpis kauft händ, well kurz drufabe händ es paar Lüt um uns ume mega afo drängle. D Nadja het d Nikon no fester an sich druckt und es paar Sekunde spöter sind d Lüt verbi gsi, aber em Björn sini Hosesäck drfür leer: 47 Quetzales händ sie erbüütet (6.20 CHF)! 
S het uns doch sehr erstuunt, wie unglaublich schnell das gange isch und mir wärde sicher witterhin vorsichtig si - aber me darf darum au nit paranoid wärde! 

4tägigi Wanderig vo Nebaj nach Todos Santos

Finde das Pferd!
Bi däm chliine See wäsche d Fraue nit nume Kleider, sondern au grad no ihri Hoor:

Lago Atitlan

Im Holzkanu am Fische - ganz traditionell - aber: s Smartphone am Ohr! 

Volcán Acatenango (3'976MüM)

Leider liegt d Nadja mit eme flaue Maage im Bett & dr Björn nimmt d Herusforderig eleige a: 

Tikal

Mir händ unseri 23 Täg in Guatemala in volle Züg gnosse: s isch bunt, lebändig und fröhlich. So oft händ uns d Lüt aglächlet und sie sind so hilfsbereit gsi. D Landschafte sind wunderschön. D Kolonialstädtli händ Charme. D Mayaruine sind faszinierend - Definitv e Bsuech wärt.